هام جدأ وبدون زعل اذا عرفت نفسك انه انت المقصود ؟

كيف نجعل منتدانا من اقوى المنتديات هااااام على جميع الدخول للاهميه .؟

[المنتدى هو بيتك الثاني وفيةصديقاتك واخواتك يشاركون معك في المعرفة وفي المزح ويزعلون لزعلك ويفرحون لفرحك ...

وفي هذا الوقت كثرت المنتديات وصار هناك سباق للمنتديات وكل عضوه تتمنى أن منتداها هو الأفضل وتتفاخر بين صديقاتها بهذا الشئ ولا ننسى ان منتدانا هو منتدى جديد..

فكيفك نجعل منتدانا هو الأفضل ؟؟

* اولاً : (( تشجيع الأعضاء الجدد ))

هذي هي البداية وأنت أكيد تتذكرين أول يوم جيتي فية للمنتدى وكتبتي موضوع وكم تمنيتي يرد علية الكل .. وبتشجيعنا للأعضاء الجدد فنحن نحثهن على الأبداع فمنهن ستيخرج لنا كاتبات رائعات في الأدب والشعر ..وكاتبات متميزات فى مجالات آخرى
والعضوه الي دايم تكون الأولى في الترحيب .. حبيبه وقلبها طيب ..

* ثانياً : (( قبل أن تكتبين أي موضوع في أي قسم معين يجب أن تردي على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهن وأي عضوه تفرح بكل رد على موضوعها ويحثها على الأبداع أكثر فاكثر وأنت أذا رديتي على موضيعهم الكل بيرد على موضوعك إذا كان يستحق ...
والعضوه الي دايم ترد على المواضيع تسمى .. محبوبة الكل

* ثالثاً : (( تشجيع المواضيع التي يكتبها اصحابها ))

أن تكتبي أنت موضوع بجهدك أفضل من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ...ولأنه موضوع رائع فالكل ينسخه وينشره في كل المنتديات .. أكتبي فكره أو معلومه أو انقلي من كتاب او مجلة مايستحق النشر ..
والعضوه الي دايم تكتب مواضيعها بنفسها .. هذه نشيطه ومتميزه

رابعاً : (( الكلمة السحرية ))

وهي أن تكتبين كلمة ( شكرا على هذا الموضوع ) كلمات قليله مراح تتعبك او تنقص من قدرك او كبريائك المزيف .. كثير مانشوف مواضع عدد قرائها فوق السبعين او الثمانين ومن هولاء فقد يرد على صاحبة الموضوع واحده او ثنتين وأكثر الأحيان تجدين الموضوع خالي من أي رد ..!!
يعني أنت تبين الكل يرد على موضوعك وأنت ماتكلفين على عمرك وتجاملين صاحبة الموضوع .. اجل ليش تشاركين وتتعبين عمرك
وتسمى العضوه الي دايم تشارك وتحث الاعضاء على المشاركه .. ياحبنيلها

خامساً : (( محاربة الشليلة )) وهنا لازم نركز كثير كثير كثير

وهذا أكبر خطر يهدد أي منتدى وكثير من المنتديات هرب منها اعضائها لهذا السبب ..وشليلة هي أن يتفق الأعضاء ويقولون ( احنا شله ارتحنا لبعض ومانبي وحده جديده تخش بينا .. والاتفاق هو تردين على موضوعي ارد على موضوعك ) ويروح فيها الضعيفه ( العضوه الجديد ه) مايعطونها وجه لين تمل وتنسحب من المنتدى .. لا ومن زين الطبايع بعدها بفتره يقلبون على بعض ويصير كل وحده تكتب موضوع ولا ترد عليها الثانيه ... وخلاص انتهاء المنتدى وصار ممل والاصرف انه يتقفل.

سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيلي نفسك مريضه او مسافره حتى أهلك مادروا عنك .. وتجين للمنتدى ولكل مشتاقين لك ويسألون عنك .. أكيد بتشققين من الفرحه ومحد قدك )
وتسمى العضوه الي دايم تسأل عن الاعضاء .. طيبة القلب

سابعاً : (( التقليل من المواضيع المنقولة ))

بعض المواضيع مهمه ويجب أن تنقل وتنتشر في كل المنتديات .. لكن مسألة انك تشوفين اي موضوع يعجبك وتنقلينه لا ويمكن تكتب عشر مواضيع في اليوم ( تخصص قص ولصق ) هذي شئ يطفش ويجيب العمى ( وشوله اشترك في منتدى !! .. اجل اقراء صحيفه او مجله او اتابع الاخبار في التلفزيون اصرف )
وتسمى هذه العضوه ... مخربتها

ثامناً : (( لاتصيرين خفيفه وثقل ))

تجيك عضوه تكتب كل يوم عشر مواضيع وفي كل قسم تحط لها ست مواضيع من زود الفضاوه .. ويالله يالله نرد على نص مواضيعها ولا نلحق .

تاسعاً : (( التقليل من المشاكل والحوادث ))

يعني ثنتين مقاريد تهاوشن وقلبن المنتدى فوق تحت وينقسم المنتدى الى حزبين ..
( يابنتي بينك وبين اي عضوه مشكله او ردها ماعجبك او لك ملاحظة ..ارسلي على الخاص وتي أنت وياها بدون مايدرون الأعضوات )
وتسمى العضوه المشكلجيه ...

عاشراً : (( خيلكي ذربه ))

تجي عضوه وتتعب وتكتب موضوع جاد ومهم وتتوقع ان بيرد عليها ويناقشها الكل ثمن تجي ذيك العضوه الي ماتدري وين الله حذفها وترد رد زي وجهها ... الموضوع في شمال وهي ترد بالجنوب ... وتخرب الموضوع او تقلبها تشات
( المواضيع الجاده والمهمه تحتاج الى رد جاد وبعكسها المواضيع الساخره يرد عليها برد ساخر )
وتسمى العضوه الي ترد برد في جهه والموضوع في جهه .حووولا.

رغم فيه ناس متحيزين ومجاملين لبعض وهذا غير صحيح وعارفين انفسهم من الانحياز بالاقسام واعتقد تقدرون تعرفونهم من عدد المشاركات بالاقسام (((((

* وأخيراً *

المنتدى ليس بعدد اعضائه ... بل بترابط اعضائه كلأسرة الواحده وكما قال رسول الله علية افضل الصلاة وسلام (( مثل المؤمنين في توادهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمى )) وقولة علية السلام (( المؤمن للمؤمن كالبنيان يشد بعضه بعضا ))